Þetta gæti orðið fyrsti Ítalíumeistaratitill Napoli síðan 1990. Napólí borg þar sem knattspyrna er meira en lífsstíll.

Líkurnar eru með Napoli þar sem Juve leiðir með aðeins einu stigi en á talsvert erfiðari útileiki framundan, gegn liðum sem vilja stöðva Ítalíumeistarana margföldu af öllum lífs- og sálarkröftum.

Juve heimsækir Inter næsta laugardag og á svo heimaleik við Bologna laugardaginn þar á eftir. Sunnudaginn 13. maí er útileikur gegn Roma og svo er heimaleikur gegn Verona í lokaumferðinni.

Napoli heimsækir Fiorentina næsta sunnudag og fær Torino í heimsókn helgina þar á eftir. Svo er útileikur gegn Sampdoria í næstsíðustu umferð og heimaleikur gegn Crotone í síðustu.

Hér fyrir neðan er hægt að sjá myndband af stemningunni í Napólí.