Björn Kristinn Björnsson, þjálfari HK/Víkings í Pepsi-deild kvenna, var svekktur eftir 6-0 tap fyrir Stjörnunni í kvöld, en liðið er stigalaust eftir fjórar umferðir.
,,Þetta er mjög svekkjandi, en við áttum þetta bara skilið. Við ætluðum að laga hlutina í hálfleik og það gekk ekki eftir, fengum mark í andlitið. Ég held að það hafi verið 40 sekúndur liðnar eftir markið að þá sofnaði þetta endanlega," sagði Björn Kristinn.
,,Hræðslan við að tapa í leiknum er oftar viljanum yfirsterkari en að koma inn í leikinn til að vinna. Svo þegar staðan er 4-0 eða 5-0 þá er engin pressa og ekki yfir neinu að hafa áhyggjur og þá er engin pressa."
,,Það er þetta sem við þurfum að laga. Það vantar þetta blóðbragð, það er ekki til staðar. Þetta er miklu erfiðari leikur fyrir okkur heldur en fyrir Stjörnuna. Allt sem við gerum þurfum við að hafa svo mikið fyrir á meðan þær eru að láta boltann rúlla enda mjög reynslumikið lið sem hefur spilað lengi saman," sagði Björn ennfremur.
Hægt er að sjá viðtalið í heild sinni hér að ofan.
