Sam Allardyce, stjóri West Ham, verður í sólinni á Spáni þegar framtíð hans hjá félaginu ræðst á mánudaginn.
Hinn sextugi Allardyce mun líklega fá sparkið á mánudaginn en West Ham mætir Newcastle í lokaumferðinni á sunnudag.
„Ég fer ekki á fundinn á mánudag en umboðsmaðurinn mun mæta og ræða við eigendurnar," sagði Stóri Sam í dag.
„Af því að tímabilið klárast seint þá ætla ég að nýta tækifærið og fara til Spánar með barnabörnum mínum. Þetta kemur í ljós."
„Ég er vongóður um að þetta verði ekki síðasti leikur minn en við verðum að bíða og sjá. Þetta leysist allt í næstu viku en við verðum að bíða og sjá. Þetta kemur í ljós á mánudag á einn eða annan hátt."
Athugasemdir