Það voru þrír leikir í 4. deild karla, C-riðli í dag.

Árborg og Ýmir áttust við, en það voru gestirnir sem reyndust sterkari þar. Sölvi Víðisson og Birgir Ólafur Helgason komu Ými í 2-0 áður en Daníel Ingi Birgisson minnkaði muninn.

Samúel Arnar Kjartansson skoraði þá í uppbótartíma og gulltryggði sigur Ýmis, lokatölur 3-1 fyrir gestina úr Kópavoginum.

Léttir fékk Hrunamenn í heimsókn og þar var staðan 1-1 lengi vel í fyrri hálfleiknum, en þegar lítið var eftir af honum komst Léttir yfir.

Í seinni hálfleiknum bættu þeir síðan við tveimur mörkum til viðbótar og lokatölur urðu 4-1 fyrir heimamenn í Létti í kvöld.

Að lokum vann Skallagrímur síðan mjög öruggan sigur á Kóngunum. Skallagrímur missti mann af velli með rautt spjald eftir hálftíma, en þrátt fyrir það unnu þeir 6-0 sigur.