„Ég hafði alltaf trú á þessu. Mér fannst við vera betra lið og við ættum töluvert inni. Mér finnst líka eiga töluvert inni ennþá. Á heimavelli eigum við að vinna öll lið. Það var erfitt að fá á sig mark seint í fyrri hálfleiknum en mér fannst við alltaf vera inni í þessu."

Víðir jafnaði í upphafi síðari hálfleiks með skoti fyrir utan vítateig.

„Maður hefur gert þetta einhverntímann áður. 'Kötta' inn á hægri og setja hann við fjærstöngina. Þegar maður hittir hann svona þá er það góð tilfinning. Maður veit nákvæmlega hvert boltinn er að fara. Hann endaði í fjærhorninu og þetta var helvíti fínt," sagði Víðir léttur.

Víðir ákvað í vor að fara frá Fylki eftir að hafa verið eitt og hálft ár í Árbænum. Víðir féll með Fylki úr Pepsi-deildinni í fyrra.

„Ég spilaði ekkert svakalega mikið en það gekk ágætlega þegar ég spilaði. Ég var næst markahæstur og með flestar stoðsendingar í deild og bikar. Strákarnir eru allir flottir í Fylki og mér finnst Fylkir vera flott félag."

„Það sat samt eitthvað í mér eftir síðasta sumar og það ágerðist yfir veturinn. Þetta var orðið þannig að mér leið ekki vel að mæta á æfingar. Það var einhver fílíngur sem mér leist ekki á og mér fannst ég þurfa eitthvað nýtt. Þá var fullkomið að kíkja á hvað væri í boði og það var frábært að komast að hjá Þrótti."

Fleiri félög voru inni í myndinni hjá Víði í vor en hann ákvað að semja við Þrótt.

„Það var mjög stutt í mót þegar ég ákvað þetta. Ég gat farið í félög þar sem ég yrði ekki álitinn strax byrjunarliðsmaður og stór partur af liðinu. Ég hefði kannski þurft að fara í hark í Pepsi-deildinni. Gregg (Ryder, þjálfari Þróttar) hafði fljótt samband við mig. Ég þekkti hann frá fyrri tíð og hann var mjög spenntur að fá mig. Mér leist mjög vel á það og ég tel að þetta hafi verið rétt ákvörðun hjá mér," sagði Víðir.

Sjá einnig:
Bestur í 1. umferð - Andrés Már Jóhannesson (Fylkir)
Bestur í 2. umferð - Andy Pew (Selfoss)