Ante Cacic, landsliðsþjálfari Króata, tilkynnti í dag 23 manna hópinn sem kemur til Íslands fyrir stórleikinn í undankeppni HM þann 11. júní næstkomandi.
Dejan Lovren, varnarmaður Liverpool, snýr aftur í hópinn í fyrsta skipti síðan í október í fyrra.
Samband Lovren og Cacic hefur ekki verið gott en rifrildi þeirra á milli varð til þess að Lovren var ekki í hóp hjá Króötum í lokakeppni EM í fyrrasumar.
Í nóvember í fyrra bað Lovren síðan um að vera ekki valinn í hópinn þegar Króatar mættu Íslandi í Zagreb. Hann verður hins vegar í hópnum í leiknum í næsta mánuði.
Ekkert pláss er í hópnum fyrir varnarmennina Vedran Corluka (Lokomotiv Moskva) og Sime Vrsaljko (Atletico Madrid).
Andrej Kramaric, framherji Hoffenheim, er heldur ekki valinn að þessu sinni en hann hefur skorað fimm mörk í 21 landsleik á ferlinum.
Mörg þekkt nöfn eru í hópnum og má þar nefna Luka Modric, Ivan Rakitic, Mario Mandzukic og Mateo Kovacic. Hér að neðan er hópurinn í heild sinni.
Croatia head coach Ante Čačić called up 23 players for @EuroQualifiers match against @footballiceland in June. #BeProud #Croatia #Vatreni pic.twitter.com/gGvCIvJYCD
— HNS | CFF (@HNS_CFF) May 22, 2017
Athugasemdir