Grótta gerði góða ferð á Selfoss og landaði 1-0 sigri. Andri Þór Magnússon var góður í vörninni og Ásgrímur Gunnarsson skoraði markið sem skildi liðin að.

Víðir Þorvarðarson skoraði og átti mjög góðan dag í 2-1 sigri Þróttar á Þór. Karl Brynjar Björnsson var fastur fyrir í vörninni þar. Viktor Helgi Benediktsson og Árni Arnarson voru bestir hjá HK í útisigri á Leikni F.

Sindri Kristinn Ólafsson hjálpaði Keflavík að landa stigi í Árbænum með góðum vörslum en Daði Ólafsson var bestur hjá Fylkismönnum þar.

Elvar Páll Sigurðsson skoraði tvö mörk fyrir Leikni í fyrri hálfleik gegn Fram en Alex Freyr Elísson skoraði og lagði upp mark eftir að hafa komið inn á sem varamaður og hjálpaði Fram að jafna. Á Ásvöllum var Jordan Farahani síðan maður leiksins í jafntefli Hauka og ÍR.

Sjá einnig:
Lið 1. umferðar
Lið 2. umferðar