Willum Þór Þórsson, þjálfari KR, var nokkuð brattur í viðtali eftir leik liðsins gegn Val í kvöld þrátt fyrir 2-1 tap.
Lestu um leikinn: Valur 2 - 1 KR
„Mér fannst við spila feykilega vel í fyrri hálfleik," sagði Willum við Fótbolta.net eftir leikinn.
„Þegar við klikkuðum á víti og náðum ekki að jafna þá náðu þeir að komast í gegnum flata vörnina. Það var út úr karakter. Þeir bættu við marki og gerðu stöðuna erfiðari. Við gáfumst aldrei upp og vorum alveg eins líklegir til að jafna hér í síðari hálfleik."
KR-ingar mótmæltu mikið eftir annað mark Vals. Sigurður Egill Lárusson slapp þá í gegn og skoraði en Kristinn Ingi Halldórsson, sem var rangstæður, hafði fyrst hlaupið á eftir stungusendingunni áður en hann hætti við.
„Hann var auðvitað kolrangstæður en þetta er auðvitað lexía. Við eigum ekki að stoppa og trúa því þegar það er ekki búið að flauta. Við eigum að geta hlaupið inn alveg eins og þeirra seinna hlaup," sagði Willum.
Athugasemdir