Berglind er sóknarsinnaður leikmaður sem leikur yfirleitt framarlega á miðsvæðinu eða í fremstu víglínu. Hún á að baki þrjá leiki með U17 ára landsliðinu og lék fjóra leiki með Breiðabliki í Pepsi-deildinni síðastliðið sumar.

Berglind spilaði sinn fyrsta leik fyrir Hauka gegn Sindra síðastliðinn laugardag og skoraði hún þar fyrsta mark Hauka í 1-4 sigri.

Selma Líf er markvörður og á að baki fjóra leiki með U17 ára landsliðinu og lék sjö leiki með Aftureldingu/Fram síðastliðið sumar. Selma er uppalin í Breiðabliki og á að baki einn leik með uppeldisfélagi sínu í Pepsi-deildinni.

Jakob Leó Bjarnason, þjálfari Hauka, segir að með komu þeirra Berglindar og Selmu sé hópurinn endanlega klár og koma þeirra styrki hópinn og auki samkeppnina til muna.

„Við erum gríðarlega ánægð með að hafa klárað félagaskipti þeirra Berglindar og Selmu í Hauka og vitum að þær eiga eftir að auka samkeppnina hjá okkur til muna."

Haukar eru með þrjú stig eftir fyrstu tvo leiki sína í Inkasso-deild kvenna. Liðið féll úr Pepsi-deildinni í fyrra.