John Aldridge, fyrrum leikmaður Liverpool, segir að Emre Can verðskuldi ekki sæti í leikmannahópi Liverpool fyrir úrslitaleik Meistaradeildarinnar.
Liverpool leikur við Real Madrid í úrslitaleiknum í Kænugarði næstkomandi laugardag.
Can hefur ekkert spilað síðan í mars vegna bakmeiðsla, en Jurgen Klopp, stjóri Liverpool, hefur talað um það að hann gæti spilað í úrslitaleiknum.
Liverpool leikur við Real Madrid í úrslitaleiknum í Kænugarði næstkomandi laugardag.
Can hefur ekkert spilað síðan í mars vegna bakmeiðsla, en Jurgen Klopp, stjóri Liverpool, hefur talað um það að hann gæti spilað í úrslitaleiknum.
Aldridge vill hins vegar ekki sjá Can í leikmannahópnum þar sem hann telur að hjarta Þjóðverjans sé ekki í Liverpool. Can verður samningslaus í sumar og miklar líkur eru á því að hann sé á leið til Ítalíumeistara Juventus.
„Hann hefur verið hluti af ferðalaginu í úrslitaleikinn en hann verðskuldar ekki að spila í úrslitaleiknum. Af hverju vill hann fara? Peningar. Er ítalska deildin betri? Nei. Juventus er stórt félag, en Liverpool hefur unnið Meistaradeildina oftar," skrifar Aldridge í pistli fyrir Liverpool Echo.
Athugasemdir