Þýskaland 1 - 1 Síle
0-1 Alexis Sanchez ('6 )
1-1 Lars Stindl ('42 )
0-1 Alexis Sanchez ('6 )
1-1 Lars Stindl ('42 )
Heimsmeistarar Þýskalands og Suður-Ameríkumeistarar Síle mættust í annarri umferð Álfukeppninnar í kvöld.
Bæði lið unnu sína leiki í fyrstu umferð. Síle vann Kamerún 2-0 en Þýskaland vann Ástralíu 3-2.
Það voru Suður-Ameríkumeistararnir sem byrjuðu betur og komust yfir strax á 6. mínútu leiksins. Markið skoraði Alexis Sanchez en markið gerði hann að markahæsta leikmanni í sögu Síle en þetta var 38. mark Sanchez fyrir þjóð sína.
Undir lok fyrri hálfleiks jöfnuðu heimsmeistararnir en markið gerði Lars Stindl, leikmaður Borussia M'gladbach.
Ekkert var skorað í seinni hálfleik og lauk leiknum því með 1-1 jafntefli.
Bæði lið eru því komin með fjögur stig og sitja á toppi riðilsins. Jafntefli í síðustu umferðinni tryggir báðum liðunum í undanúrslit Álfukeppninnar.
Athugasemdir