Everton er að ganga frá kaupum á sóknarmanninum Sandro Ramirez eftir að hafa borgað 5,2 milljóna punda riftunarákvæði í samningi hans.
Þessi 21 árs leikmaður er með spænska U21-landsliðinu á Evrópumótinu í Póllandi.
Þessi 21 árs leikmaður er með spænska U21-landsliðinu á Evrópumótinu í Póllandi.
Ramirez skoraði 14 mörk í La Liga á síðasta tímabili.
Hann fór í læknisskoðun hjá Everton fyrir EM og BBC segir að Everton hafi nú gengið frá öllum atriðum.
Everton hefur keypt markvörðinn Jordan Pickford frá Sunderland á 25 milljónir punda og miðjumanninn Davy Klaassen frá Ajax á 23,6 milljónir punda.
Ronald Koeman, stjóri Everton, vill einnig fá varnarmanninn Michael Keane frá Burnley og íslenska miðjumanninn Gylfa Sigurðsson frá Swansea.
Athugasemdir