Martin O'Neill, landsliðsþjálfari Írlands, og kantmaðurinn James McClean munu báðir fá refsingu frá FIFA eftir ummæli sem þeir létu falla um dómara eftir leik gegn Austurríki í undankeppni HM.
Spænski dómarinn David Fernandez Borbalan dæmdi mark af Írum seint í leiknum og þeir írsku vildu nokkrar vítaspyrnur.
Spænski dómarinn David Fernandez Borbalan dæmdi mark af Írum seint í leiknum og þeir írsku vildu nokkrar vítaspyrnur.
Leikurinn, sem fór fram 11. júní, endaði með 1-1 jafntefli.
„Þetta átti að standa, dómarinn átti að leyfa markinu að standa," sagði O'Neill pirraður eftir leikinn.
„Mér fannst þetta kóróna slaka frammistöðu dómarans," sagði hann enn fremur og FIFA ætlar að refsa fyrir.
Tvímenningarnir hafa fram á föstudag til að svara fyrir sig.
Athugasemdir