Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   fim 22. júní 2017 09:30
Magnús Már Einarsson
Mourinho vill fá Perisic sem fyrst - Salah skrifar undir í dag
Powerade
Ivan Perisic er áfram orðaður við Manchester United.
Ivan Perisic er áfram orðaður við Manchester United.
Mynd: Getty Images
Terry gæti farið til Aston Villa.
Terry gæti farið til Aston Villa.
Mynd: Getty Images
Ensku slúðurblöðin hafa skilað slúðurskammti dagsins á þessum fína fimmtudegi.



Jose Mourinho, stjóri Manchester United, vill ganga frá kaupum á Ivan Perisic (28) kantmanni Inter áður en United fer í æfingaferð til Bandaríkjanna. (Metro)

John Terry (36) er tilbúinn að fara í ensku Championship deildina en hann er á förum frá Chelsea. Nágrannaliðin Birmingham og Aston Villa vilja bæði fá Terry. (Daily Mirror)

Aston Villa er í bílstjórasætinu í baráttunni um Terry en félagið er tilbúið að greiða honum 60 þúsund pund í laun á viku. (Sun)

Barcelona hefur hafnað 31 milljóna punda tilboði frá ensku félagi í miðjumanninn Andre Gomes. (Metro)

Barcelona vill fá miðjumanninn Paulinho (28) frá Guangzhou Evergrande í Kína. Paulinho lék áður með Tottenham. (Goal)

Alex Sandro, vinstri bakvörður Juventus, þarf að óska eftir sölu ef hann vill ganga í raðir Chelsea. Sandro (26) gæti kostað 45 milljónir punda ef hann fer til Englands. (Daily Mail)

Lyon er að kaupa framherjann Bertrand Traore (21) frá Chelsea á 16,6 milljónir punda. (Evening Standard)

Manchester United hefur samþykkt að selja Adnan Januzaj (22) til Real Sociedad á 9,7 milljónir punda. (Daily Star)

Liverpool gengur frá kaupum á Mohamed Salah (25) í dag. Liverpool greiðir Roma 39 milljónir punda fyrir Salah. (Times)

Rafael Benítez, stjóri Newcastle, fylgist vel með samningsmálum Pepe Reina (34) hjá Napoli. Benítez vill fá sinn gamla lærisvein til Newcastle. (Northern Echo)

Everton er opið fyrir tilboðum í framherjann Oumar Niasse (27) en hann skoraði fimm mörk í tuttugu leikjum á láni hjá Hull síðari hluta síðasta tímabils. (Liverpool Echo)

Arsenal vill fá 20 milljónir punda fyrir markvörðinn Wojciech Szczesny (27). Pólverjinn hefur verið í láni hjá Roma undanfarin tímabil en Arsenal hækkaði verðmiða hans eftir að markvörðurinn Jordan Pickford fór til Everton á 30 milljónir punda. (Sun)

John Aldridge, fyrrum framherji Liverpool, segir að Virgil van Dijk (25) eigi að fara í verkfall hjá Southampton til að ná félagaskiptum til Liverpool í gegn. (Daily Mirror)

Umboðsmaður Anderson Talisca (23) miðjumanns Benfica hefur blásið á sögusagnir þess efnis að hann sé á leið til Manchester United. (Record)
Athugasemdir
banner
banner
banner
banner
banner