Cristiano Ronaldo gaf ungri stelpu í hjólastól minningu sem alltaf mun lifa þegar hann leiddi hana út á völlinn fyrir leik Portúgals gegn Rússlandi í Álfukeppninni í gær.
Eftir þjóðsöngvana gaf Ronaldo stelpunni upphitunarjakka sinn og gaf henni koss á ennið.
Ánægja stelpunnar leyndi sér ekki.
Ronaldo skoraði svo eina mark leiksins og tryggði þjóð sinni sigur. Þetta var hans 74. landsliðsmark og líklegt að það muni koma liðinu í undanúrslit keppninnar.
Ronaldo er mikið í umræðunni eftir að greint var frá því að hann vilji yfirgefa Real Madrid en eftir leikinn í gær gaf hann ekki kost á spurningum.
Athugasemdir