Brasilíska landsliðskonan Thaisa Moreno hefur misst af síðustu sex leikjum Grindavíkur í Pepsi-deild kvenna vegna meiðsla. Thaisa meiddist í byrjun móts og nú er ljóst að hún verður ekki klár fyrr en í ágúst.
„Hún kemur til baka í ágúst. Það voru smá læknamistök og rangar upplýsingar frá læknum og hún fór að æfa á fullu, á meiðslum sem hún átti ekki að stíga í fótinn. Það seinkaði henni um mánuð," sagði Róbert Haraldsson þjálfari Grindavíkur eftir 5-0 tapið gegn Breiðabliki í fyrradag.
Thaisa átti að vera í brasilíska landsliðinu gegn Íslandi á dögunum en meiðsli komu í veg fyrir þátttöku hennar þar.
Ljóst er að Thaisa verður ekki með Grindavík í næstu tveimur umferðum þar sem liðið mætir Fylki og Haukum í mikilvægum leikjum í fallbaráttunni.
Í kjölfarið verður hlé í Pepsi-deild kvenna til 9. ágúst vegna þátttöku Íslands á EM.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir