Arnar Daði, fréttamaður Fótbolta.net er staddur í Volgograd þar sem Ísland mætir Nígeríu og hann tók stuðningsmann Íslands á tali á fan-zoneinu í Volgograd þar sem leikur Króatíu og Argentínu var sýndur.
„Ég heit Hannes Varði Halldórsson. Ég hef aldrei verið sáttur með þetta nafn. Mér var mikið strítt og hef einhvernveginn aldrei verið ánægður með þetta. En ég er kominn hingað til Volgograd því það er mín skylda og ég fann minn tilgang í nafninu að styðja Hannes (Þór Halldórsson) af því að hann varði," sagði Hannes en þá skoraði akkúrat Króatíu þegar hann sleppti orðinu.
Hannes Varði er því mættur til Volgograd að styðja sinn mann í marki íslenska liðsins gegn Nígeríu.
„Ég ákvað að koma til Volgograd og vera viðstaddur leikinn á móti Nígeríu því þá veit ég að Hannes mun verja allt. Ég var viðstaddur leikinn á EM þegar hann varði allt saman á móti Ronaldo. Það gerðist sama þegar ég var viðstaddur á Argentínu og ég ætla að fylgja honum alla leið. Ég hef fundið minn tilgang, það er að vera Hannes Varði, með liðinu, alltaf."
Hannes Varði náði loksins sáttum með nafnið sitt á leiknum á móti Argentínu, líklega þegar Hannes varði vítið frá Messi.
„Ég náði sáttum með nafnið."
Hannes Varði ætlar að hitta nafna sinn og fá hann til að árita nafnið.
„Ég ætla mér að gera það á morgun og fá hann allavega til þess að árita nafnið því við erum samtvinnaðir í þessu. Hann hefur náð þessum árangri útaf mér, útaf þessu nafni.
Athugasemdir