„Við byrjuðum leikinn frábærlega og vorum búnir að klára þetta einvígi snemma. Við settum mikla pressu á þá og unnum boltann strax aftur þegar við töpuðum honum," sagði Deila eftir leik, ánægður með að vera kominn í næstu umferð í forkeppni Meistaradeildarinnar.

„Við hefðum getað gert betur í seinni hálfleik en duttum aðeins niður. Við hefðum getað unnið þetta stærra en ég get ekki annað en verið ánægður. Völlurinn var betri en þessi á Íslandi en við getum spilað enn hraðari bolta."

„Við byrjuðum leikinn vel en þetta eru ekki erfiðustu mótherjar sem við munum fá. Einhverstaðar verður að byrja. Við tökum á næsta verkefni sama hvað það verður í næstu umferð."

Kjartan Henry Finnbogason, sóknarmaður KR, var í viðtali við Tómas Þór Þórðarson á Vísi í kvöld.

„Þetta var mjög erfitt. Við reyndum okkar besta og spiluðum ágætis leik þó það hljómi kannski skringilega. Þetta er bara klassalið sem spilaði betur en við áttum kannski von á," sagði Kjartan Henry við Vísi.