Enska knattspyrnusambandið er búið að kynna Sam Allardyce til leiks sem næsta landsliðsþjálfara Englendinga.
Allardyce tekur við af Roy Hodgson sem sagði upp eftir að England tapaði fyrir Íslandi í 16-liða úrslitum Ebvrópumótsins í Frakklandi.
Enska knattspyrnusambandið ræddi við Allardyce og Steve Bruce en Allardyce var efstur á blaði.
Allardyce, sem er 61 árs og er fyrrum stjóri West Ham, Newcastle og Bolton, yfirgefur Sunderland eftir níu mánuði við stjórnvölinn.
Sunderland hefur nú þegar hafið leit að nýjum knattspyrnustjóra. „Við vonumst til að geta kynnt nýjan stjóra við fyrsta tækifæri," sagði í stuttri yfirlýsingu frá Sunderland í dag.
Athugasemdir