Gilles Mbang Ondo spilaði með Grindvíkingum við góðan orðstír frá 2008 til 2010 áður en hann fór til Noregs þar sem hann lék með Stabæk og Sandnes Ulf.

Hinn þrítugi Ondo varð meistari með Nemjeh í Líbanon árið 2013 en síðustu tvö árin hefur hann spilað í Sameinuðu Arabísku Furstadæmunum og Óman.

Fjarðabyggð er að missa sóknarmanninn Jón Arnar Barðdal í skóla til Bandaríkjanna og Ondo á að fylla hans skarð.

Ondo samdi á dögunum við ASM Belfort í frönsku C-deildinni en hann má ekki byrja að spila þar fyrr en í október. Hann spilar því með Fjarðabyggð þangað til þá.

Hér að neðan má sjá mark sem Ondo skoraði með ASM Belfort gegn stórliði Lyon í æfingaleik í síðustu viku. Markið er fyrsta markið í myndbandinu.