Hallbera skoraði í kvöld og átti góðan leik.
„Við vorum komnar í 3-0 og maður er stundum kærulaus þegar staðan er orðin nokkuð örugg og við hleyptum þeim alltof mikið inn í þetta," sagði Hallbera Guðný Gísladóttir, leikmaður Breiðabliks eftir 3-2 sigur á Stjörnunni í undanúrslitum Borgunarbikarsins.
Eins og Hallbera sagði, komst Breiðablik í 3-0 áður en Stjarnan minnkaði muninn í 3-2 og það urðu lokatölur. Hallbera var virkilega ánægð með spilamennsku Blika í kvöld.
Eins og Hallbera sagði, komst Breiðablik í 3-0 áður en Stjarnan minnkaði muninn í 3-2 og það urðu lokatölur. Hallbera var virkilega ánægð með spilamennsku Blika í kvöld.
Lestu um leikinn: Stjarnan 2 - 3 Breiðablik
„Mér fannst við spila ótrúlega vel í dag, Berglind er að koma sterk inn og við náðum að láta boltann ganga mikið betur en undanfarið á móti Stjörnunni. Mér fannst við yfirspila þær í fyrri hálfleik."
Liðin mættust á dögunum í deildinni og hafði Breiðablik þá 1-0 sigur í fremur daufum leik. Leikurinn í kvöld var töluvert skemmtilegri og tók Hallbera undir það.
„Leikurinn í deildinni var hundleiðinlegur miðað við þennan leik en þetta var mjög sætt og Laugardalsvöllurinn bíður okkar."
Hún kom Blikum í 2-0 undir lok fyrri hálfleiks með marki beint úr aukaspyrnu. Spyrnan var utan af kanti og fór í gegnum allan pakkann inni á teig og í fjærhornið. Hún sagði það bæði hafa verið skot og fyrigjöf.
„Maður verður að setja hann í þetta svæði, annað hvort nær einhver að pota í hann eða hann siglir inn þannig að bæði og," sagði Hallbera.
Viðtalið má sjá í heild sinni hér að ofan.
Athugasemdir
