„Það er alltaf bónus þegar fjölskyldan er að standa sig vel. Sif átti mjög góðan leik síðast. Hún og allar stelpurnar yfirhöfuð stóðu sig vel. Maður var svo sár, manni leið eins og maður hafi verið rændur um hábjartan dag, þegar maður labbaði frá síðasta leik. Ef það er eitthvað, þá sýndu stelpurnar nákvæmlega til hvers þær eru hingað komnar," sagði Egill Atlason, aðstoðarþjálfari HK/Víkings í 1. deild kvenna og bróðir Sifjar Atladóttur varnarmann íslenska kvennalandsliðsins.
„Við erum svo heppnar að við erum að æfa á sama svæði og íslenska landsliðið en ég hef bara verið í smáskilaboða sambandi við hana. Það er nóg að gera hjá þeim og maður er ekkert mikið að trufla þeirra ferli," sagði Egill aðspurður hvort hann væri eitthvað búinn að vera í sambandi við systur sína eftir að mótið hófst.
Hann hefur fylgst vel með kvennalandsliðinu síðustu ár.
„Ég er svo heppinn að eiga tvær yngri systur sem stóðu sig vel með yngri landsliðum Íslands og síðan Sif í A-landsliðinu. Svo ég hef fylgst með kvennaboltanum á Íslandi síðan um aldamótin. Taktíkin, leikfræðin og stelpurnar hafa stigið mikið upp. Það sem þær hafa lagt á sig, er oft á tíðum mjög vanmetið hjá öllum. Það er aðdáundarvert í alla staði."
Egill skartaði fallegum íslenskum landsliðsbúning í Fan-Zone-inu í dag.
„Þetta er gamalt frá Atla pabba (Atla Eðvaldssyni). Maður þurfti nú að koma hingað og sýna búninginn. Í síðasta leik var ég klæddur í landsliðsbúning frá konunni minni (Björk Gunnarsdóttir) sem á einn landsleik. Síðan nota ég pabba búning í þessum leik. Það virðist vera til ná af landsliðstreyjum heima, svo ég var ekki í miklum vandræðum," sagði Egill Atlason að lokum.
Viðtalið í heild sinni má sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir