Lestu um leikinn: Ísland 1 -  2 Sviss

„Þetta var frekar þungt. Mér fannst við hafa tökin á leiknum áður en við skorum. Síðan veit ég ekki hvað gerist. Allt í einu vorum við að fá þær í andlitið á okkur, eitthvað sem við erum óvanar," sagði Sif en Ísland náði aðeins að vera með 1-0 forskot í leiknum í 10 mínútur.

„Það er mjög svekkjandi. Fanndís gerði ótrúlega vel í markinu. Við ætluðum að leggja upp með þetta en því miður náðum við ekki alveg að klára það. Markið var fallegt en þetta var strembið eftir það. Við verðum að læra af þessu, það er enn einn leikur eftir og þetta er ekki búið."

Sú rússneska með flautuna, Anastasia Pustovoitova átti hræðilegan leik. Vægast sagt.

„Maður vill ekki segja of mikið. Dómarar eru mannlegir og gera sín mistök. Ég set spurningarmerki við það að ég er varla búinn að sleppa boltanum í innköstum þá fáum við á okkur aukaspyrnu. Þetta er sárt því mér finnst við ekki vera á þeim stað, að það eigi að flauta á okkur í hvert einasta skipti sem við snertum leikmann. Þetta er contact íþrótt."

„Ég veit ekki hvað gerist á milli leikja. Í viðtölum við Sviss fyrir leik þá spila þau svolítið inn á grófleikann í okkur. Við erum að spila á fínni línu, við erum ekki upp með takkana í aðra leikmenn. Við ætlum ekki að láta þetta stjórna okkur. Við þurfum að halda áfram og klára okkar leiki," sagði Sif að lokum.

Viðtalið í heild sinni má sjá í sjónvarpinu hér að ofan.

Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki