Alfreð Elías Jóhannsson stýrði ÍBV í fyrsta skipti í dag þegar liðið tapaði 2-1 fyrir Víkingi R. í Pepsi deild karla í kvöld.
Víkingar skoruðu sigurmarkið á síðustu mínútu venjulegs leiktíma eftir að leikurinn hafði verið í járnum lengst af.
„Við erum hundsvekktir með þetta tap eftir mjög góða frammistöðu hjá liðinu, svona heilt yfir. Nú þurfum við bara að gíra okkur upp í sunnudaginn þegar við mætu Þrótti," segir Alfreð.
Bjarni Jóhannsson sagði óvænt upp starfi sínu hjá ÍBV á dögunum og neitaði Alfreð að tjá sig um það.
„Ég og Jeffsie tókum við liðinu á föstudaginn og við verðum út næstu tvo leiki og síðan sjáum við bara til," sagði Alfreð um framhaldið.
Viðtalið í heild sinni má sjá í spilaranum hér fyrir ofan.
Athugasemdir