Gregg Ryder, þjálfari Þróttar, mætti enn og aftur svekktur í viðtöl eftir 4-0 tap sinna manna gegn Val í Pepsi-deildinni í kvöld.
Þróttarar sýndu mikla baráttu í fyrri hálfleik en gáfu eftir þegar þeir lentu 2-0 undir. Liðið er svo gott sem fallið, níu stigum frá öruggu sæti og klukkan tifar.
Þróttarar sýndu mikla baráttu í fyrri hálfleik en gáfu eftir þegar þeir lentu 2-0 undir. Liðið er svo gott sem fallið, níu stigum frá öruggu sæti og klukkan tifar.
Lestu um leikinn: Þróttur R. 0 - 4 Valur
„Ég vil ekki hljóma eins og biluð plata og segja alltaf það sama hérna, en þetta voru svekkjandi úrslit," sagði Gregg eftir leikinn.
„Í hreinskilni sagt fannst mér þeir skora í hvert skipti sem þeir fóru fram, við gátum ekki varist almennilega. Í hvert skipti sem við fórum fram og áttum skot, þá var varið. Maður vinnur ekki þannig leiki."
„Þetta er allt saman mjög erfitt, mér þykir þetta mjög fyrir hönd stuðningsmannanna sem þurfa að mæta og horfa á þetta. Þetta eru erfiðar aðstæður en við þurfum bara að halda áfram því sem við getum gert."
Ég veit að þegar maður tapar 4-0 á heimavelli er mjög erfitt að taka eitthvað jákvætt úr þessu en það eru enn stig í þessu og ég mun leggja hart að mér til að við tökum eins mörg stig og við getum."
Gregg telur að hæfileikarnir séu til staðar í sínu liði en það vanti upp á andlegu hliðina.
„Við erum klárlega með leikmenn sem geta verið í efstu deild og ég held að þetta sé ekki spurning um hæfileika, frekar andlegu hliðina. Þeir þurfa að koma hausnum í dag, þetta hefur ekkert með hæfileika að gera heldur trúna."
Athugasemdir