„Fyrri hálfleikurinn var flottur hjá okkur. Við vorum mjög þéttir og skipulagðir og vorum hættulegir þegar við fengum boltann. Þeir skapa sér ekkert nema markið sem kemur bara eftir einbeitingarleysi hjá okkur," segir Hafsteinn.

Bjarni Jóhannsson sagði starfi sínu sem þjálfari ÍBV lausu á dögunum og segir Hafsteinn að það hafi haft áhrif á leik liðsins í dag.

„Auðvitað hafði það áhrif og það breytir svolítið leikplaninu hjá okkur. Jeffsie kom með ferskar áherslur í þetta og Alli náttúrulega ennþá með okkur og ég held að þeir verði bara flottir saman."

„Við sýndum mikil batamerki frá síðustu þrem leikjum. Við létum boltann ganga og fengum fullt af færum," segir Hafsteinn.

Nánar er rætt við Hafstein í spilaranum hér fyrir ofan.