„Mjög vel, þetta var góður leikur að hálfu FH, við létum boltann ganga innan liðsins og skoruðum þrjú mörk, sagði Heimir Guðjónsson eftir 3-2 sigur á Stjörnunni í kvöld er hann var spurður um líðan sína.
Hann segir það hafa verið ákveðin vonbrigði að Stjarnan jafnaði leikinn tvisvar eftir að FH komst yfir. Hann segir allan fótboltann sem spilaður hafi verið í leiknum hafi verið af hálfu FH-liðsins.
Hann segir það hafa verið ákveðin vonbrigði að Stjarnan jafnaði leikinn tvisvar eftir að FH komst yfir. Hann segir allan fótboltann sem spilaður hafi verið í leiknum hafi verið af hálfu FH-liðsins.
Lestu um leikinn: FH 3 - 2 Stjarnan
„Það voru vonbrigði eftir að við komumst í 2-1, þá vorum við með öll tök á leiknum en svo átti Brynjar Gauti þessa frábæru fyrirgjöf og Hólmbert kláraði vel en við sýndum góðan karakter og komum til baka og allur fótbolti sem var spilaður í þessum leik var af hálfu FH."
FH er nú sjö stigum fyrir ofan næstu lið og sex leikir eftir. Það þarf því ansi mikið að gerast til að FH verji ekki Íslandsmeistaratitilinn.
„Það eru sex leikir eftir og 18 stig í pottinum og við þurfum bara að halda áfram."
Viðtalið má sjá í heild sinni hér að ofan.
Athugasemdir