Dragan Stojanovic hefur ákveðið að hætta sem þjálfari hjá KF í 2. deildinni.
Dragan tók við liðinu af Lárusi Orra Sigurðssyni síðastliðið haust og undir hans stjórn endaði KF í sjöunda sæti í sumar eftir fall úr fyrstu deildinni í fyrra.
Dragan tók við liðinu af Lárusi Orra Sigurðssyni síðastliðið haust og undir hans stjórn endaði KF í sjöunda sæti í sumar eftir fall úr fyrstu deildinni í fyrra.
,,Ég er búinn að keyra stanslaust í kringum Akureyri síðustu þrjú ár. Fyrst í tvö ár með Völsungi og núna með KF. Það er svolítið mikið að keyra fram og til baka fimm sinnum í viku þannig að ég ákvað að hætta," sagði Dragan við Fótbolta.net í dag.
,,Ég ætla að halda áfram að þjálfara ef það kemur gott tækifæri. Þetta tímabil hjá KF var fínt. Auðvitað er alltaf hægt að gera betur í fótbolta en það voru miklar breytingar frá því síðasta sumar því að tíu fóru úr byrjunarliðinu. Það þurfti að byrja upp á nýtt og ég tel fínt að enda um miðja deild. Ég vil þakka leikmönnum og stjórnarmönnum fyrir þetta sumar."
Dragan stýrði Völsungi upp í 1. deild sumarið 2012 en hann hætti með liðið í júlí í fyrra.
Athugasemdir