Guðmunda Brynja Óladóttir, fyrirliði Selfyssinga, skoraði þriðja mark leiksins er liðið lagði FH af velli í Kaplakrika í Pepsi-deild kvenna.
Selfoss hefur átt gott tímabil í efstu deild og er í fjórða sæti fyrir lokaumferðina en Gumma segir liðið stefna á þriðja sætið.
Selfoss hefur átt gott tímabil í efstu deild og er í fjórða sæti fyrir lokaumferðina en Gumma segir liðið stefna á þriðja sætið.
,,Ég er mjög ánægð. Við komum í leikinn til að taka þrjú stig því við vorum ekki sáttar með stig í síðasta leik gegn þeim.
,,Við vorum svolítið eins og díselvél, vorum lengi af stað og erum búnar að vera það í sumar en við spilum alltaf vel í seinni hálfleik.
,,Það var enginn að dekka mig og við vorum búnar að gera þetta stundum eftir æfingar að vera eitthvað að flugskallast. Það er flottara, ef þetta væri sjónvarpsleikur þá hefði þetta verið mjög flott.
,,Við stefnum á þriðja sætið, Fylkir tapaði og við erum með jafn mörg stig og þær."
Athugasemdir