Harpa Þorsteinsdóttir.
,,Það væri gott að vita hvar ON/OFF takkinn er svo ég geti kveikt á mér fyrir leik," sagði Harpa Þorsteinsdóttir sem skoraði öll þrjú mörkin í 3-0 sigri á Aftureldingu í kvöld en með sigrinum varð Stjarnan Íslandsmeistari.
Lestu um leikinn: Stjarnan 3 - 0 Afturelding
,,Það var smá spenna í okkur og við vorum ekki skynsamar á boltann. Okkur varð létt að sjá fyrsta markið inni og eftir það vorum við að spila miklu betur."
,,Svo voru þær búnar að hlaupa mjög mikið í fyrri hálfleik og náðu að loka mjög vel. Við áttum í fullu fangi með að halda tempói í fyrri hálfleik en kláruðum þetta í lokin."
Stjarnan vinnur því tvöfalt í sumar eftir að hafa orðið bikarmeistarar í ágúst.
,,Ég er mjög glöð. Þetta er orðið Stórveldi," sagði Harpa ,,Við höfum aldrei varið titil og höfum aldrei unnið tvöfalt svo það er mikil gleði í Garðabænum í dag."
Athugasemdir
