Heil umferð fer fram í Pepsi-deild kvenna klukkan 17:15 og eru ansi góðar líkur á að Stjarnan muni hampa Íslandsmeistaratitlinum.

Stjarnan þarf aðeins eitt stig gegn Aftureldingu á heimavelli til að gulltryggja sér Íslandsmeistaratitilinn í næstu umferð, en þetta yrði jafnframt í fyrsta skiptið sem Stjarnan tekur tvennuna, deild og bikar.

Ef Afturelding tapar leiknum gæti liðið fallið, ef FH tekst að bera sigur úr bítum gegn Selfossi á sama tíma.