mán 22. september 2014 17:06
Magnús Már Einarsson
Heimild: Heimasíða BÍ/Bolungarvíkur 
Ondo, Jose og Phil áfram hjá BÍ/Bolungarvík
Loic Ondo.
Loic Ondo.
Mynd: Fótbolti.net - Sævar Geir Sigurjónsson
Loic Ondo, Jose Figura og Phil Saunders hafa allir framlengt samning sinn við BÍ/Bolungarvík um eitt ár en þetta kemur fram á heimasíðu félagsins.

Loic Ondo er 24 ára varnarmaður sem var að ljúka sínu þriðja tímabili með BÍ/Bolungarvík.

Hann lék árið 2011 fyrst með liðinu en var svo sumarið 2012 hjá Grindavík. Hann kom aftur og lék síðustu tvö tímabil með BÍ/Bolungarvík.

Jose Figura er 21 árs miðjumaður sem kom á miðju tímabili frá Tindastóli. Hann stóð sig með stakri prýði seinni hluta móts og var því áhugi að fá Jose aftur á næsta tímabili.

Phil Saunders er 23 ára markvörður. Hann kom á miðju sumri frá Bandaríkjunum og lét strax til sín taka.

BÍ/Bolungarvík endaði í 10. sæti í 1. deildinni með 25 stig.

Ljóst er að nýr þjálfari mun taka við liðinu fyrir næsta sumar en Jörundur Áki Sveinsson er hættur eftir þrjú ár við stjórnvölinn
Athugasemdir
banner
banner
banner