Manuel Neuer, markvörður og fyrirliði Bayern Munchen, verður frá keppni þar til í janúar eftir að hann fótbrotnaði á æfingu.
Þetta er mikið áfall fyrir Bayern, en það sýndi sig þegar liðið mætti Wolfsburg í þýsku úrvalsdeildinni í kvöld.
Þetta er mikið áfall fyrir Bayern, en það sýndi sig þegar liðið mætti Wolfsburg í þýsku úrvalsdeildinni í kvöld.
Sven Ulreich fyllir í skarð Neuer. Hann gerði skelfileg mistök í kvöld.
Bayern leiddi 2-0 eftir mörk frá Robert Lewandowski og Arjen Robben. Staða Bayern var þægileg fram á 56. mínútu, en þá skoraði Maximilan Arnold beint úr aukaspyrnu.
Það er þó ekki annað hægt en að skrá markið á Ulreich. Hann reyndi að kýla boltann í burtu með þeim afleiðingum að hann sló boltann í markið. Smelltu hér til að sjá markið
Ulreich tók markið alfarið á sig.
„Ég er búinn að biðja liðið afsökunar. Markið var algjörlega mér að kenna," sagði hinn 29 ára gamli Ulreich.
Athugasemdir