Srna á að hafa fallið á lyfjaprófi.
Króatíski bakvörðurinn Darijo Srna ætlar ekki að spila fótbolta aftur fyrr en nafn hans verður hreinsað.
Hinn 35 ára gamli Srna, sem leikur með Shakhtar Donetsk í Úkraínu, á að hafa fallið á lyfjaprófi í mars á þessu ári.
Hinn 35 ára gamli Srna, sem leikur með Shakhtar Donetsk í Úkraínu, á að hafa fallið á lyfjaprófi í mars á þessu ári.
Srna segist ekki vita til þess að hann hafi á einhverjum tímapunkti tekið ólöglegt efni, en hann ætlar að sýna fulla samvinnu með þeim sem rannsaka málið. Þessi króatíski landsliðsmaður ætlar ekki að spila fótbolta á meðan málið er til rannsóknar, en þetta staðfesti hann í yfirlýsingu sem var birt á heimasíðu Shakhtar fyrr í dag.
„Til þess að einbeita mér að málinu og trufla ekki liðsfélaga mína, hef ég ákveðið að spila ekki fótbolta á meðan málið er til skoðunar og það hefur verið leyst. Ég mun einbeita mér að því að fullu að hreinsa nafn mitt og laga orðspor mitt," sagði Srna.
Athugasemdir
