Útsendarar frá Álasund sáu Daníel spila með Grindvíkingum í sumar og ákváðu í kjölfarið að bjóða honum að koma til æfinga en hann æfði með liðinu á dögunum.

Hinn 18 ára gamli Daníel Leó hefur þrátt fyrir ungan aldur verið fastamaður í liði Grindvíkinga undanfarin tvö tímabil en hann getur spilað bæði á vörninni sem og á miðjunni.

Þá á Daníel Leó tíu leiki að baki með U19 ára landsliði Íslands.

Álasund er í 11. sæti í norsku úrvalsdeildinni og ekki í fallhættu þegar þrjár umferðir eru eftir. Á dögunum kom Aron Elís Þrándarson til félagsins frá Víkingi.