Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 22. október 2014 17:00
Magnús Már Einarsson
Í fangelsi fyrir að þykjast vera Gael Kakuta
Gael Kakuta leikmaður Chelsea.
Gael Kakuta leikmaður Chelsea.
Mynd: Getty Images
Medi Abalimba var í dag dæmdur í fjögurra ára fangelsi á Englandi fyrir að þykjast vera Gael Kakuta leikmaður Chelsea.

Hinn 25 ára gamli Abalimba var á sínum tíma fótboltamaður en Derby County borgaði eina milljón punda fyrir hann árið 2009. Fótboltaferill hans fór á endanum í ruslið en Abalimba var ekki tilbúinn að sætta sig við það.

Abalimba vildi lifa eins og leikmaður í ensku úrvalsdeildinni svo hann ákvað að þykjast vera Gael Kakuta leikmaður Chelsea og lifa í vellystingum.

Abalimba hringdi á ýmsa fína veitinga og skemmtistaði þar sem hann sagðist vera umboðsmaður Kakuta. Hann mætti síðan sjálfur á staðinn og sagðist vera Kakuta. Í kjölfarið borgaði Abalimba með stolnum kredit korta upplýsingum.

Í júlí á þessu ári pantaði Abalimba föt fyrir 20 þúsund pund í verslunarmiðstöðinni Trafford Centre en það eru tæpar fjórar milljónir króna.

Abalimba pantaði kampavín fyrir 2600 pund á næturklúbbi í Manchester í júní síðastliðnum og þá leigði hann þyrlu sem skutlaði honum og fjórum konum frá Manchester til London. Í öll skiptin sagðist hann heita Gael Kakuta.

Abalimba var líka duglegur að borða á fínum veitingastöðum og dvelja á lúxus hótelum en á endanum komst upp að hann var ekki Kakuta og að hann hefði fengið kredit korta upplýsingar á vafasaman hátt.

Samtals fékk Abalimba 31 ákæru fyrir fjársvik en hann fékk á endanum fjögurra ára fangelsisdóm.

Gael Kakuta er 23 ára gamall en hann er í dag í láni hjá Rayo Vallecano frá Chelsea. Árið 2009 var Chelsea dæmt í félagaskiptabann vegna félagaskipta Kakuta en því banni var síðar aflétt. Leikmaðurinn hefur hins vegar aldrei náð að festa sig í sessi hjá Chelsea.
Athugasemdir
banner
banner
banner
banner