Massimiliano Allegri, þjálfari Juventus, gerði lítið úr tapi liðsins gegn Olympiakos er liðin mættust í Grikklandi.
Olympiakos komst yfir með marki frá Pajtim Kasami á 36. mínútu og héldu heimamenn markinu hreinu út leikinn þrátt fyrir mikinn sóknarþunga ítölsku gestanna.
Olympiakos komst yfir með marki frá Pajtim Kasami á 36. mínútu og héldu heimamenn markinu hreinu út leikinn þrátt fyrir mikinn sóknarþunga ítölsku gestanna.
,,Ég bjóst við öðruvísi leik, sérstaklega í fyrri hálfleik. Við vorum lélegir, hreyfðum okkur ekki nóg og leyfðum andstæðingunum að fá þrjár eða fjórar skyndisóknir," sagði Allegri eftir leikinn.
,,Við vorum góðir í síðari hálfleik en klúðruðum alltof mörgum marktækifærum. Við förum heim sárt ennið og fullir eftirsjár en erum í fínni stöðu í riðlinum þrátt fyrir tapið."
Juventus er með þrjú stig eftir þrjá leiki, sem er jafn mikið og Malmö er með. Atletico Madrid og Olympiakos eru með sex stig hvort, en Juventus á heimaleikina eftir við bæði toppliðin.
Athugasemdir
