„Við erum mjög svekktar. Mér fannst við betri í þessum leik og við erum mjög svekktar með þetta," sagði varnarmaðurinn Glódís Perla Viggósdóttir eftir 1-0 tap gegn Dönum á æfingamóti í Kína í dag.
„Við vorum að spila þenna leik vel í fyrri hálfleik fannst mér og það var svekkjandi að fá svona í andlitið. Það drepur kannski á okkur, en við höfum ekki orkuna í seinni hálfleik."
„Við vorum að spila þenna leik vel í fyrri hálfleik fannst mér og það var svekkjandi að fá svona í andlitið. Það drepur kannski á okkur, en við höfum ekki orkuna í seinni hálfleik."
En hvað getum við tekið jákvætt úr þessum leik?
„Þegar pressan okkar heppnaðist vel í fyrri hálfleik þá var hún að heppnast mjög vel og við getum tekið það með okkur áfram. Svo vorum við að ná að leysa pressuna þeirra vel í seinni hálfleik og við getum tekið það líka með okkur."
Ísland á einn leik eftir á þessu æfingamóti, en hann er gegn Úsbekistan klukkan 08:00 á mánudaginn og það er leikur sem stelpurnar ætlar að vinna.
„Já, við ætlum að vinna næsta leik," sagði Glódís að lokum.
Viðtalið við hana má sjá í spilaranum hér að ofan.
Athugasemdir