Hinn 18 ára gamli Manuel Locatelli gerði eina mark leiksins er ungt lið AC Milan hafði betur gegn Ítalíumeisturum og toppliði Juventus.

Juve stjórnaði leiknum en bæði lið fengu fín færi og stóðu heimamenn sig einstaklega vel þegar það kom að því að verjast sóknum meistaranna, sem hittu aðeins tveimur skotum af nítján á rammann.

Juve er á toppi deildarinnar með 21 stig eftir 9 umferðir en Milan er aðeins tveimur stigum á eftir. Roma er í þriðja sæti, þremur stigum eftir Milan.

Athugið að það getur tekið stöðutöfluna, sem má sjá hér fyrir neðan, tíma að uppfærast.