Oyston hefur legið undir gagnrýni hjá stuðningsmönnum og hann bætti ekki orðspor sitt með SMS skilaboðum sem hann sendi á stuðningsmanninn Steve Smith um helgina.

Smith sendi Oyston SMS skilaboð um að segja af sér og formaðurinn svaraði með því að hella sér yfir Smith.

Oyston sagði meðal annars að Smith væri þroskaheftur og sagði að hann mætti ekki koma oftar á leiki hjá Blackpool.

Enska knattspyrnusambandið mun nú skoða málið en Oyston gæti átt yfir höfði sér refsingu.