Ferill Freddy Adu heldur áfram að taka dýfu niður á við en hann hefur verið rekinn frá serbneska félaginu FK Jagodina.
Hinn 25 ára gamli Adu var á sínum tíma talinn vera einn allra efnilegasti leikmaður í heimi en hann er bæði yngsti leikmaðurinn og yngsti markaskorarinn í sögu MLS deildarinnar í Bandaríkjunum.
Undanfarin ár hefur Adu flakkað á milli félaga og lítið sem ekkert fengið að spila.
Í sumar samdi hann við Jagodina en eftir hálft ár í herbúðum félagsins án þess að spila leik hefur samningi hans verið rift.
Adu hefur einungis leikið 59 mínútur undanfarin tvö ár en þær mínútur voru í búningi Bahia í Brasilíu.
Athugasemdir