„Það er alltaf gaman að vinna titla, og við förum í alla leiki til að klára þá. Ég er ánægður með að byrja þetta mót af krafti og sýna að við getum eitthvað," sagði Úlfur Blandon þjálfari kvennaliðs Vals við Fótbolta.net í kvöld eftir að liðið varð Reykjavíkurmeistari.
Lestu um leikinn: Fylkir 1 - 3 Valur
Valur vann leikinn 1-3 en liðið lenti undir eftir 33 sekúndur.
„Við höfum átt betri fyrri hálfleiki. Þær vissu það allar að við gátum gert miklu betur en þetta. Við erum nýbúnar að spila leik og erum pínu þreyttar. Við erum í mjög þungu programmi núna svo það er kannski eðlilegt að við séum ekki alveg með kveikt á öllu þegar programmið er mjög þungt."
„Þetta var allavega skárra í seinni hálfleik og við fengum betri sóknir og góð mörk í leikinn. Ég var ánægður með það."
Nánar er rætt við Úlf í sjónvarpinu hér að ofan en hann var líka spurður hvort hann ætli að styrkja hópinn frekar fyrir sumarið.
„Ég er mjög ánægður með okkar hóp núna og held að við höfum sýnt það í þessum leikjum sem við erum búin að spila að þegar við erum á okkar leik þá erum við á toppnum."
Athugasemdir