Alisson Becker, markvörður Roma, hefur verið orðaður við Liverpool síðustu mánuði eftir flotta frammistöðu með Roma.

Alisson gæti verið mjög áhugaverður kostur fyrir Liverpool. Hann hefur verið aðalmarkvörður brasilíska landsliðsins í tvö ár. Hann er á undan Ederson, markverði Manchester City, í goggunarröðinni þar.

En ef Liverpool er alvara með að vilja fá hann, þá þarf félagið svo sannarlega að rífa fram veskið.

Calciomercato á Ítalíu segir frá því að Roma vilji fá 90 milljónir punda fyrir Alisson, sem hefur verið kallaður "Messi markvarðanna".

Það er spurning hvort Liverpool sé til í að greiða það mikið fyrir markvörð en á dögunum var sagt að Jurgen Klopp, stjóri Liverpool, ætlaði að treysta á Loris Karius.