„Ísland stóð sig mjög vel í undankeppninni og þetta er gott lið," sagði Daniel Agger, varnarmaður danska landsliðsins við Fótbolta.net í Herning í gær.
Síðan Agger byrjaði að spila með danska landsliðinu hefur liðið unnið Ísland alla fjóra leikina á milli þjóðanna. Síðasti leikur Íslands við Dani var árið 2011 en margt hefur breyst síðan þá og Ísland er á leið á EM í sumar á meðan Danir sitja heima.
Síðan Agger byrjaði að spila með danska landsliðinu hefur liðið unnið Ísland alla fjóra leikina á milli þjóðanna. Síðasti leikur Íslands við Dani var árið 2011 en margt hefur breyst síðan þá og Ísland er á leið á EM í sumar á meðan Danir sitja heima.
„Í augnablikinu er ég ekki hissa á gengi Íslands. Ég er hissa á uppganginum ef ég horfi nokkur ár til baka en ég verð að hrósa liðinu fyrir það. Það er mikið afrek að komast á EM og það verður að hrósa leikmönnunum."
Agger spilar í dag með Bröndby í Danmörku en hann snéri heim til Danmerkur árið 2014 eftir að hafa spilað með Liverpool frá því árið 2006. Hann er bjartsýnn á gang mála hjá Liverpool í dag.
„Það er að verða betra og betra. Þetta tekur tíma og ég tel að nýi stjórinn þurfi að minnsta kosti eitt ár í viðbót til sýna framfarir hjá liðinu," sagði Agger en hann er ánægður með Jurgen Klopp í brúnni. „Ég kann vel við leikstílinn hans og þetta lítur vel út."
Hér að ofan má sjá viðtalið í heild sinni.
Athugasemdir