„Ísland er gott lið og það er kannski svolítið vanmetið hjá sumu fólki," sagði danski landsliðsmaðurinn Thomas Delaney í viðtali við Fótbolta.net í gær.
Hinn 24 ára gamli Delaney á ættir að rekja Írlands og Bandaríkjanna en hann ólst upp í Danmörku og hefur verið að vinna sig inn í danska landsliðið.
Hinn 24 ára gamli Delaney á ættir að rekja Írlands og Bandaríkjanna en hann ólst upp í Danmörku og hefur verið að vinna sig inn í danska landsliðið.
Delanay er fyrirliði FC Kaupmannahöfn en hann hefur leikið með liðinu alla sinn ferii. Þar hefur hann spilað með leikmönnum eins og Ragnari Sigurðssyni, Sölva Geir Ottesen og Rúrik Gíslasyni.
„Íslensku leikmennirnir sem ég hef spilað með eru líkamlega sterkir. Sérstaklega Sölvi Geir Ottesen. Rúrik er líka fljótur. Ragnar er aðeins minni en hann er vel spilandi varnarmaður. Þeir voru allir í uppáhaldi hjá stuðningsmönnum svo þeir gerðu eitthvað rétt."
Fátt var um svör þegar Delaney var beðinn um skemmtilegar sögur af íslensku leikmönnunum. „Ég held að þær séu ekki við hæfi í sjónvarpi," sagði Delaney og hló.
Hér að ofan má sjá viðtalið í heild sinni.
Athugasemdir