Dembele er framherji Rennes en hann er kominn með tíu mörk á sínu fyrsta tímabili með aðalliðinu. Hann er yngsti leikmaður sem afrekar þetta í sögu efstu deildar Frakklands.

„Það er móðir hans, Fatimata, sem mun ákveða framtíð Ousmane. Hann vildi fara síðasta sumar en hún sagði honum að vera áfram hjá Rennes og skrifa undir fyrsta atvinnumannasamninginn. Hann hafði ekkert val," segir umboðsmaðurinn Badou Sambagué sem spilaði á sínum tíma fyrir landslið Malí.

„Í dag er mjög mikilvægt að hann hugsi bara um fótbolta. Ég hef þekkt hann frá fæðingu og var í skóla með bróður hans og systur. Ég hjálpa honum að taka réttar ákvarðanir."