Þá er komið að slúðrinu á þessum fína fimmtudegi.
Arsenal ætlar að bjóða 25 milljónir punda í Arda Turan (30), miðjumann Barcelona í sumar. Mesut Özil og Alexis Sanchez (28) gætu hins vegar verið á förum. (Times)
Özil hefur verið orðaður við Fenerbahce en Michael Ballack segir að hann sé of góður til að spila í Tyrklandi. (Talksport)
Arsene Wenger, stjóri Arsenal, segir að stuðningsmenn verði að átta sig á því hvað hann hefur gert fyrir félagið. (Daily Mirror)
Arsenal gæti þurft að greina frá framtíð Wenger fljótlega til að uppfylla reglur á hlutabréfamarkaði. (Daily Express)
Jack Wilshere (25), miðjumaður Arsenal, verður líklega ekki áfram hjá Bournemouth eftir að lánssamningur hans rennur út í sumar. Hann íhugar að fara í félag utan Englands. (Bleacher Report)
Gerard Deulofeu, kantmaður Everton, hefur staðið sig vel á láni hjá AC Milan. Barcelona er með klásúlu um að geta keypt Deulofeu á 10,3 milljónir punda en West Ham hefur einnig áhuga. (Daily star)
Chelsea og Manchester United gætu reynt að krækja í Marco Verratti (24) miðjumann PSG. Umboðsmaður Verratti segir að leikmaðurinn sé ósáttur í Frakklandi. (Daily Mirror)
Liverpool er í vandræðum eftir að félagið ræddi ólöglega við ungan leikmann Stoke. (Daily Telegraph)
Real Madrid er að íhuga að fá vinstri bakvörðinn Yuri Berchiche (27) í sínar raðir frá Real Sociedad. Berchice var hjá Tottenham frá 2008 til 2010 en hann spilaði ekki leik þar. (Marca)
Manchester United er í leit að nýjum þjálfara fyrir U23 ára lið sitt. Warren Joyce verður ekki ráðinn í starfið á nýjan leik en hann var rekinn frá Wigan á dögunum eftir stutt stopp þar. (Manchester Evening News)
Wolves er að kaupa framherjann Andreas Weimann (25) frá Wolves á 1,5 milljón punda en hann hefur verið í láni hjá félaginu frá Derby. (Express & Star)
Real Madrid ætlar að reyna að fá Carles Alena (19), miðjumann Barcelona, í sínar raðir. (Daily Express)
Peter Crouch (36), framherji Stoke, hefur ekki gefið upp alla von á að komast aftur í enska landsliðið. Síðasti landsleikur Crouch var árið 2010. (Stoke Sentinel)
Sir Alex Ferguson segist hafa rétt misst af því að fá varnarjaxlinn Paolo Maldini til Manchester United á sínum tíma. (Manchester Evening News)
Hugo Lloris (30) segir að framtíð sín hjá Tottenham velti á því hvort Mauricio Pochettino verði áfram hjá félaginu. (Le Figaro)
Everton er að íhuga að spila æfingaleik í Tansaníu eftir að hafa gert nýjan samning við styrktaraðila sem er með tengingu þangað. (Liverpool Echo)
Athugasemdir