Eiður sneri aftur til Bolton árið 2014.
Næstkomandi mánudag, 26. mars, kemur þáttaröðin "Gudjohnsen" í Sjónvarp Símans Premium en um er að ræða þáttaröð um magnaðan feril Eið Smára Guðjohnsen. Eiður og Sveppi tóku þáttaröðina upp fyrr í vetur.
Sjá einnig:
Mourinho tók víkingaklappið í viðtali við Sveppa um Eið Smára
Sjá einnig:
Mourinho tók víkingaklappið í viðtali við Sveppa um Eið Smára
Hér að ofan má sjá klippu úr þáttunum þar sem Eiður og Sveppi fóru á leik með Bolton Wanderers.
Eiður er goðsögn hjá Bolton eftir að hafa slegið í gegn hjá félaginu á árunum 1998 til 2000 og aftur tímabilið 2014/2015. Eiður segir erfitt að horfa á fótboltaleiki og fá ekki að taka þátt í þeim.
„Mig langar bara að vera inn á. Þetta er erfitt. Mig langar að vera í fótbolta. Ég er að drepast í hásininni og get ekki æft af viti. Ég gæti spilað einn leik en þá þyrfti ég viku hvíld eða eitthvað," sagði Eiður.
Bolton óskaði eftir að Eiður myndi fara inn á í hálfleik til að veifa áhorfendum. Sveppi bauðst til að fara með honum en Eiður afþakkaði það pent!
Sjón er sögu ríkari en viðtalið má sjá hér að ofan.
Um þættina
Í þáttaseríunni GUDJOHNSEN gerir sjónvarpsmaðurinn -og skemmtikrafturinn Sveppi upp glæstan feril æskuvinar síns Eiðs Smára Guðjohnsen á óhefbundinn og áhugaverðan hátt.
Saman ferðast vinirnir til 9 landa og gera þeim 16 félagsliðum sem Eiður spilaði fyrir á 22 ára tímabili skil. Þeir heimsækja borgir -og bæi sem Eiður hefur búið í í gegnum árin, kíkja á vellina sem hann hefur spilað á, skoða gömul heimili hans, hitta fyrrverandi kollega -bæði innan vallar sem utan og fara almennt yfir hvernig líf Eiðs var á hverjum stað og á hverri stund fyrir sig.
Þetta ferðalag Sveppa og Eiðs í gegnum fortíðina er fræðandi og á sama tíma skemmtilegt þar sem persónulega nálgunin og áratuga löng vinátta þeirra skín í gegn og býður upp á frábæra og afslappaða skemmtun.
Þáttur 1 “Barnakarl” -Æskuslóðir í Breiðholti. ÍR. Valur. PSV Eindhoven.
Þáttur 2 “Harðákveðin” - KR. Bolton. Chelsea. Jimmy Floyd Hasselbaink.
Þáttur 3 “The Special One” - Chelsea. Gianfranco Zola. Frank Lampard. Jose Mourino.
Þáttur 4 “La buena vida” - Barcelona. Andrés Iniesta.
Þáttur 5 “Vegbúinn” - Monaco. Tottenham. Stoke. Fulham. AEK Athens.
Þáttur 6 “Draumur um Kína” - Cercle Brugge. Club Brugge. Bolton. Shijiazhuang Ever Bright.
Þáttur 7 “Fyrir Ísland” - Molde. Landsliðið. Ole Gunnar Solskjær.
Þættirnir verða aðgengilegir í Sjónvarp Símans Premium frá og með mánudeginum.
Athugasemdir
