Stjarnan tapaði 3-1 fyrir Val í undanúrslitum Lengjubikarsins. Rúnar Páll Sigmundsson, þjálfari Stjörnunnar, er sáttur með leik sinna manna þrátt fyrir tap.
Rúnar er ósáttur með að annað mark Stjörnunnar hafi ekki verið dæmt gilt og telur að leikurinn hefði getað endað öðruvísi.
Rúnar er ósáttur með að annað mark Stjörnunnar hafi ekki verið dæmt gilt og telur að leikurinn hefði getað endað öðruvísi.
„Við vorum að spila ágætlega í þessum leik, við vorum alveg á pari við Valsmenn bróðurpartinn af leiknum. Við vorum að vinna með ákveðið mynstur og það gekk ágætlega, þeir sköpuðu sér ekki mikið," sagði Rúnar að leikslokum.
„Við erum klaufar í öðru markinu hjá þeim þar sem Hörður hefði átt að taka manninn sinn aðeins betur, þetta var ekki alveg nógu góður varnarleikur."
Stjörnumenn héldu að þeir væru búnir að jafna í 2-2 þegar knötturinn fór í markið beint úr hornspyrnu, en dómarinn dæmdi aukaspyrnu.
„Síðan skorum við löglegt mark úr horni sem var dæmt fríspark. Þá hefði leikurinn kannski breyst aðeins."
Guðjón Baldvinsson var í byrjunarliði Stjörnunnar en hann er kominn aftur eftir að hafa verið á láni hjá Kerala Blasters á Indlandi, þar sem hann þótti standa sig feykilega vel.
„Það er gott að fá Gauja heim, hann styrkir liðið."
Stjarnan á leik við FH 5. apríl og fer í kjölfarið í tíu daga æfingaferð til Spánar fyrir sumarið.
Rúnar segist ekki ætla að styrkja hópinn frekar fyrir sumarið og segir að liðið muni setja sér markmið fyrir sumarið í æfingaferðinni.
Athugasemdir