Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   mið 23. apríl 2014 10:41
Elvar Geir Magnússon
Mourinho hótar að tefla fram varaliði gegn Liverpool
Jose Mourinho.
Jose Mourinho.
Mynd: Getty Images
Jose Mourinho, stjóri Chelsea, hótar að hvíla sína sterkustu menn gegn Liverpool á sunnudag og gæti Liverpool því fengið titilinn nánast á silfurfati.

Mourinho er ósáttur við að leikurinn sé á sunnudag en ekki laugardag þar sem Chelsea á svo leik gegn Atletico Madrid í undanúrslitum Meistaradeildarinnar í næstu viku.

Mourinho segir þó að eigandinn Roman Abramovich verði að gefa honum grænt ljós á að tefla fram varaliði.

Chelsea verður án markvarðarins Petr Cech og John Terry sem spila ekki meira á tímabilinu.

„Þetta er erfið staða. Ég verð að hlusta á félagið. Ég er bara knattspyrnustjóri. Sú staðreynd að leikurinn er á sunnudag býr til vandamál fyrir mig. Við erum kyndilberar enska fótboltans í Meistaradeildinni og það er verið að gera okkur erfitt fyrir," segir Mourinho.

„Forgangsatriðið í mínum huga er Meistaradeildin. En ég er ekki félagið. Ég þarf að tala við þá. Ég er ekki æðstur. Ég vinn fyrir Roman og stjórnina. Ef við þurfum að spila á krökkum þá gerum við það"

Chelsea er fimm stigum á eftir Liverpool þegar þrjár umferðir eru eftir.
Athugasemdir
banner
banner
banner